Mu kiganiro yatanze, Umuyobozi w’agateganyo wa RCA Madamu MUGWANEZA Pacifique, yatangiye agaragaza ishusho rusange y'amakoperative ku rwego rw'Igihugu, ubundi agaragaza ishusho y'amakoperative mu Ntara y'Amajyaruguru, ibibazo biyarimo n'ingamba byafatiwe.

Pacifique MUGWANEZA, Umuyobozi wa RCA

Nyuma yo kungurana ibitekerezo kuri iki kiganiro, hafashwe imyanzuro ikurikira:

1. Inama yasabye ko Uturere tutarashyiraho abakozi bashinzwe amakoperative mu mirenge kubashyiraho byihutirwa;

2. Inama yasabye RCA n'Inzego z'ibanze ko amakoperative y'abahinzi b'ibirayi matoya akorera hamwe yakwihuza agakora imwe nini;

3. Inama yasabye RCA n'Inzego z'ibanze ko bihutisha igikorwa cyo gushyira amakoperative mu byiciro;

4. Inama yasabye Uturere gufasha amakoperative gushyiraho akanama gashinzwe amasoko gashoboye kandi gafite ubumenyi mu gutanga amasoko;

5. Uturere turasabwa gukurikirana ko inama z’ubugenzuzi bukorwa mu makoperative zishyirwa mu bikorwa nk’uko bikwiriye;

6. Inama yasabye Uturere gufasha amakoperative mu gihe cyo gushyiraho abakozi hagashyirwaho abakozi bafite ubushobozi kandi bikanyura mu ipiganwa;

7. Inama yasabye ko habaho ubufatanye bw’inzego z’ibanze n’inzego z’umutekano mu gukurikirana abacuruzi b’amata bambura aborozi, abakomeje kwanga kwishyura bagashyikirizwa ubutabera;

8. Inama yasabye inzego z’Ibanze gufasha amakoperative yibwe gukurikirana ibibazo byayo mu butabera;

9. Inzego z’Ibanze zirasabwa gufatanya na RCA gukangurira amakoperative guha abanyamuryango ubwasisi na dividends buri mwaka nk’uko biteganywa mu ngingo ya 86 y’itegeko rigenga amakoperative;

10. MINICOM na RCA barasabwa gushakira ubushobozi n’ibikoresho by’ibanze Unit ya BDE mu Karere kugira ngo bajye babasha kurangiza ishingano zabo neza no kugera ku makoperative mu buryo bworoshye;

11. Inama yasabye Uturere ku bufatanye na RCA gutegura amahugurwa cyane cyane ku bayobozi bagitorwa;

12. Hashingiwe ku ngingo ya 150 y’Itegeko No 024/2021 ryo ku wa 27 Mata 2021 rigenga amakoperative mu Rwanda, Inzego z’ibanze zirasabwa gushyira mu mihigo yazo gukurikirana amakoperative;

13.Inama yasabye MINICOM na RCA kwihutisha amabwiriza ashamikiye ku Itegeko ryavuzwe haruguru;

14. Inama yasabye MINALOC na RCA kwihutisha igikorwa cya “District Cooperative Forum (DCF)”;

15. Inama yasabye ko hongerwa imbaraga mu bugenzuzi buhuriweho n’Inzego z’Ibanze na RCA cyane cyane mu makoperative manini nibura buri mwaka;

16. Inzego z’ibanze zirasabwa gutangira gushyira imbaraga mu kubarura koperative zigikora n’izitagikora kugirango hamenyekane umubare nyawo w’amakoperative akorera mu Karere;

17. Gushyiraho special team ku rwego rw’Intara ihuriwemo inzego zose zirebwa n’ikibazo cy’amakoperative, hanyuma iyo team igakora concept note y’uburyo inama zatanzwe ndetse n’imyanzuro ifatwa igenda ishyirwa mu bikorwa;

18.     Gushyiraho uburyo abacuruzi b’amata bambuye aborozi mu Turere dutandukanye bashyirwa kuri black list ku buryo batashobora kujya mu bucuruzi bw’amata.

Iyi nama yari yitabiriwe na Minisiteri y’Ubuhinzi n’Ubworozi, MINAGRI; Ikigo cy’Igihugu gishinzwe Amakoperative, RCA; Ikigo cy’Igihugu gishinzwe ubuhinzi n’Ubworozi, RAB; Abagize inama y'umutekano itaguye ku Ntara y’Amajyaruguru no ku turere twose tuyigize, Abashiznzwe iterambere ry’ubukungu no kwihangira imirimo mu turere, BDEs, abashinzwe amakoperative mu turere,DCOs bose; ba Agronome b'uturere bose ndetse na ba perezida b'amakoperative manini muri buri karere.